General Motors Powertrain Uzbekistan қўшма корхонаси Тошкент шаҳридаги Касб-ҳунарга ўқитиш марказига, ўқув жараёнида фойдаланиш учун 1.5 L2C Euro 2 двигателини совға қилди. Бу ҳақда «Ўзавтосаноат» АК матбуот хизмати хабар бермоқда.
Уч йил олдин ташкил топган марказнинг мақсади тўртта асосий йўналиш бўйича мутахассисларни ўқитиш ва тайёрлашдан иборат бўлиб, булар: автомобилларни таъмирлаш ва техник хизмат кўрсатиш, машинасозлик ишлаб чиқариши, электр тизимлари, электроника ва ахборот технологияларидир.
«General Motors Powertrain Uzbekistan заводидан жуда миннатдормиз, марказимизнинг 20 нафар битирувчилари ҳозир заводда фаолият юритмоқда ва биз бундан кейин ҳам завод билан самарали ҳамкорлик қилишга умид боғлаб қоламиз», — деди марказ директори Равшан Ибрагимов.
General Motors Powertrain Uzbekistan заводи Бош директори Женнифер Бигелоу ушбу совға орқали марказнинг ёшларга автомобилсозлик сир-асрорларини ўргатишдек эзгу мақсадларига кўмаклашаётганидан компания жамоаси хурсандлигини таъкидлади.
Изоҳ (0)