Rossiya prezidenti Vladimir Putin Turkiyaga nisbatan maxsus iqtisodiy choralar qo‘llash haqida buyruq imzoladi, deya xabar bermoqda “Gazeta.ru” Kreml matbuot xizmatiga tayanib.
Hujjatda keltirilishicha, yangi cheklovlar nafaqat Turkiya yurisdiksiyasi ostidagi firmalar, balki Turkiya fuqarolari tomonidan nazorat qilinadigan tashkilotlar hisobiga kengaytirilgan. Bunday tashkilotlarga Rossiya Federatsiyasi hududida Rossiya hukumati tomonidan tuziladigan ro‘yxat bo‘yicha muayyan faoliyat turlarini amalga oshirish taqiqlanadi.
Nashr eslatishicha, avvalroq bosh vazir o‘rinbosari Arkadiy Dvorkovich Rossiya Turkiyaga qarshi javob choralari ro‘yxatini kengaytirishini ma’lum qilgan edi.
Izoh (0)