«Курдистон озодлиги қирғийлари» гуруҳи 23 декабрь куни Истанбулдаги Сабиҳа Гўкчен номли аэропортда юз берган портлаш учун жавобгарликни ўз зиммасига олди. Бу ҳақда «ТАСС» хабар бермоқда.
Курд жангарилари теракт миномёт ҳужуми ёрдамида амалга оширилганини даъво қилмоқда. Аэропорт ҳудудига миномёт снаряди келиб тушган бўлиши мумкинлиги тўғрисида теракт куни Haberturk телеканали ҳам маълум қилган, бироқ расмийлар мазкур хабарни тасдиқламаганди.
Портлаш Туркиянинг Pegasus Airlines авиакомпанияси самолётлари турган ҳудудда содир бўлган. Бунинг оқибатида аэропортнинг икки нафар ходими яраланган, улардан бири — 30 ёшли Зуҳра Ямач касалхонада ҳаётдан кўз юмган.
Изоҳ (0)