Italiya do‘konlari bir necha yillar kokainli choy sotgani ma’lum bo‘ldi

Italiya politsiyasi do‘konlarda bir necha yillardan buyon sotilib kelinayotgan koka bargidan tayyorlangan choyni musodara qiladi, deya xabar bermoqda “Segodnya.ua”.

Shifobaxsh ichimlik tarkibida narkotik borligi genuyalik avtobus haydovchisi o‘zi ishlaydigan kompaniyada o‘tkazilgan oddiy testdan o‘ta olmagach, ma’lum bo‘ldi. Test natijalari organizmda narkotik borligini ko‘rsatdi.

Haydovchi noqonuniy narsa iste’mol qilmagani, faqat bir chashka elisse alla coca choyidan ichganini ta’kidladi. Shunda shifokor undan choy qadog‘ini ko‘rsatishni so‘radi. U ham choydan ichib ko‘rgach, test topshirdi — natija qonda kokain borligini ko‘rsatdi.

Hodisa haqida huquqni himoya qilish organlariga xabar berildi. Ular choy sotilgan do‘konni tekshirganida, barcha zarur hujjatlar mavjudligi, do‘kon egasi choyni bir necha yillardan buyon Milanda perulik ko‘tarachidan qonuniy tarzda xarid qilib kelishi ma’lum bo‘ldi.

Choy tarkibi tekshirilganida, unda koka barglarida bo‘ladigan faol modda — kokain gidroxloridi borligi aniqlandi. Politsiya u sotiladigan do‘konlarning barchasidan mahsulotni musodara qiladi.