AQSh prezidenti Barak Obama ma’muriyati harbiy to‘ntarish uyushtirish va Bashar Asadni prezident lavozimidan ag‘darishga qodir odamlarni topmoqchi bo‘lib, bir necha yillar davomida Suriya rejimi vakillari bilan aloqani saqlab turgan. Bu haqda AQSh prezidenti ma’muriyati va Arab mamlakatlaridagi manbalariga tayanib, The Wall Street Journal xabar berdi, deb yozadi Meduza.
Suriyada harbiy to‘ntarish tashkil qilish varianti, nashr hamsuhbatlaridan biri aytishicha, 2011-yilda, Suriyada Asad rejimiga qarshi norozilik aksiyalari boshlanganida boshqa variantlar bilan birga ko‘rib chiqilgan.
Amerika va Suriya hukumati o‘rtasidagi aloqalar Asad tarafdorlari va dushmanlari o‘rtasidagi nizo fuqarolar urushiga aylanib ketganidan keyin ham davom etgan. Damashq bilan Vashington vositachilar — Rossiya va Eron orqali aloqa qilgan.
Nashr manbalari aytishicha, Asad Vashingtonni terrorchilikka qarshi kurash uchun kuchlarni birlashtirish zarurligiga ko‘ndirmoqchi bo‘lib, AQSh prezidenti ma’muriyati bilan bog‘lanishga ko‘p bora harakat qilgan.
Izoh (0)