Qirg‘iziston prezidenti Almazbek Atambayev Anqara Suriya osmonida urib tushirilgan Su-24 samolyoti uchun Moskvadan uzr so‘rashi zarur deb hisoblaydi. Bu haqda prezident yil yakunlariga bag‘ishlangan matbuot anjumanida aytib o‘tdi, deb yozadi “Gazeta.ru”.
“Turkiya kechirim so‘rashi kerak, deb o‘ylayman. Ba’zan bardosh berish zarur. Bu har ikkala mamlakat uchun iqtisodiy va siyosiy jihatdan foydasiz”, — dedi u.
Qirg‘iziston yetakchisi so‘zlariga ko‘ra, “hattoki, samolyot Turkiya hududiga, ular aytayotganidek, 17 soniyaga kirib kelgan bo‘lsa ham” noto‘g‘ri qaror qabul qilingan. “Shu 17 soniya ichida 20 yildan ziyod vaqt davomida qurilgan o‘zaro aloqalarni raketalar bilan urishdi”, — dedi Atambayev.
Izoh (0)