Toshkentning Sirg‘ali tumanida yuz bergan yo‘l-transport hodisasi oqibatida Chevrolet Lacetti avtomobili yonib ketdi. Bu haqda “Voditeli Tashkenta (Drivers.uz)” guruhida xabar qoldirilgan.
Hodisa tungi soat 22:30—23:00 oralig‘ida, Kasbino va Sunday supermarketlari qarshisida yuz bergan. Guvohlarning so‘zlariga ko‘ra, Lacetti avtomobili katta tezlikda Matiz’ga borib urilgan. Guruhda qoldirilgan xabarlarga ko‘ra, voqea oqibatida hech kim jabrlanmagan.
Yong‘in o‘t o‘chirish xizmati xodimlari tomonidan o‘chirilgan, Yangi Sergeli ko‘chasi bo‘ylab harakatlanayotgan avtomobillar yonayotgan mashinani Kasbino supermarketi avtoturargohi orqali aylanib o‘tgan. Lacetti avtomobili to‘liq yonganini Facebook’da qoldirilgan suratlarda ko‘rish mumkin.
Izoh (0)