Тошкентнинг Сирғали туманида юз берган йўл-транспорт ҳодисаси оқибатида Chevrolet Lacetti автомобили ёниб кетди. Бу ҳақда «Водители Ташкента (Drivers.uz)» гуруҳида хабар қолдирилган.
Ҳодиса тунги соат 22:30—23:00 оралиғида, Kasbino ва Sunday супермаркетлари қаршисида юз берган. Гувоҳларнинг сўзларига кўра, Lacetti автомобили катта тезликда Matiz’га бориб урилган. Гуруҳда қолдирилган хабарларга кўра, воқеа оқибатида ҳеч ким жабрланмаган.
Ёнғин ўт ўчириш хизмати ходимлари томонидан ўчирилган, Янги Сергели кўчаси бўйлаб ҳаракатланаётган автомобиллар ёнаётган машинани Kasbino супермаркети автотураргоҳи орқали айланиб ўтган. Lacetti автомобили тўлиқ ёнганини Facebook’да қолдирилган суратларда кўриш мумкин.
Изоҳ (0)