Rossiya prezidenti Vladimir Putin Hindiston bosh vaziri Narendra Modiga Najafiylar sulolasiga talluqli XVIII asr bengal qilichini hamda Mahatma Gandi o‘z qo‘li bilan yozgan “Bapu” kundaligining bir sahifasini hadya qildi. Bu haqda Hindiston hukumati rahbari o‘z Twitter’ida ma’lum qildi.
Modi Moskvaga 23-dekabr, chorshanba kuni ikki kunlik davlat tashrifi bilan keldi. Rossiya va Hindiston yetakchilari o‘sha kuniyoq Kremlda norasmiy dasturxon ustida yuzma-yuz ko‘rishdi.
24-dekabr, payshanba kuni Modi 16-an’anaviy Hindiston—Rossiya sammitida ishtirok etadi, shuningdek, har ikkala mamlakat biznesi vakillari bilan muzokaralar o‘tkazadi.
Izoh (0)