Кремль Германия канцлери Ангела Меркель ва Буюк Британия бош вазири Дэвид Кэмерон ўртасида Россия, президент Владимир Путин ва ИШИД ҳақида фикр алмашинувини табиий ҳол деб ҳисоблайди. Бу ҳақда Россия президентининг матбуот котиби Дмитрий Песков маълум қилди, дея хабар беради «РБК».
«Кун тартибидаги долзарб мавзулар юзасидан фикр алмашиш мутлақо табиий ҳол. Россия, Евроиттифоқнинг Россия билан муносабатлари ва халқаро террорчиликка қарши кураш эса айнан шундай масалалар қаторига киради», — дея таъкидлаган Песков.
Эслатиб ўтамиз, олдинроқ The Times Германия канцлери Лондонга ташрифи чоғида Буюк Британия махсус хизматлари раҳбариятидан ИШИД ҳақида маълумотлар олиб, эвазига Россия, унинг президенти, Украинадаги беқарорлик ва Қримдаги вазият ҳақидаги маълумотлар билан бўлишганини маълум қилганди.
Изоҳ (0)