Ukraina parlamenti mamlakat hukumatiga boshqa davlatlar tomonidan kamsitiluvchi, do‘stona bo‘lmagan harakatlarga nisbatan savdo sanksiyalari va boshqa cheklovchi choralar qo‘llashga ruxsat berdi. Bu haqda Meduza xabar bermoqda.
Mazkur qonun loyihasini taqdim etgan Ukraina bosh vaziri Arseniy Yatsenyuk uning qabul qilinishi Rossiya joriy etgan sanksiyalarga qarshi choralar ko‘rish uchun zarurligini ta’kidladi.
Rossiya 2016-yil 1-yanvardan boshlab bir qator Ukraina mahsulotlari importiga taqiq o‘rnatmoqda. Ular qatoriga go‘sht, sut, meva-sabzavotlar, yong‘oq, baliq va baliq mahsulotlari kiritilgan. Shuningdek, ushbu sanadan e’tiboran Rossiya va Ukraina o‘rtasida erkin savdo hududi bo‘yicha shartnoma amal qilishi to‘xtatiladi.
Izoh (0)