Putin Liveinternet kompaniyasi rahbariga prezident maslahatchisi bo‘lishni taklif qildi

Rossiya prezidenti Vladimir Putin “Internet iqtisodiyot” forumida IT-kompaniyalar rahbarlari bilan muloqot qildi va ularga ishonchli, sohadagi muammolarni tushunadigan, g‘oyalarni faol ilgari sura oladigan kishini tanlashni taklif qildi, deb yozadi “Hi-tech.mail.ru”. Ular Internetni rivojlantirish instituti va Liveinternet kompaniyasi rahbari German Klimenkoni tanladi.

“Menda shunday taklif bor: Rossiya Federatsiyasi prezidenti ma’muriyatiga ishga o‘ting”, — dedi Putin Klimenkoga va unga prezident maslahatchisi lavozimini taklif qildi.

Putin ta’kidlashicha, shunday qilinsa, internet-tadbirkorlar jamiyatining qo‘yilgan maqsadlarga erishishi osonroq bo‘ladi, mavjud Internetni rivojlantirish institutidan esa prezident maslahatchisi ishida amaliy vosita sifatida foydalanish mumkin bo‘ladi.

Klimenko o‘ylab ko‘rishga, “rafiqasi va farzandlari bilan maslahatlashib ko‘rish”ga va’da berdi.