Ziyofat kechalari uchun o‘yin kartalari ishlab chiqaradigan Cards Against Humanity kompaniyasi Pikassoning asl rasmini bo‘laklarga bo‘lmoqchi, deya xabar beradi Meduza. Biroq yakuniy qarorni uning mijozlari qabul qiladi.
Pikassoning 1962-yilgi “Favnning boshi” kartinasini kompaniya reklama aksiyasidan tushgan mablag‘ga sotib olgan. Cards Against Humanity o‘z mijozlariga ushbu kartina taqdirini belgilashni taklif qildi: uni Chikago san’at institutiga berib yuborishadi yoki 150 mingta mayda bo‘lakka bo‘lib “Xanuka uchun sakkizta sovg‘a” aksiyasi doirasida mijozlariga jo‘natadi.
Ovoz berish 26-dekabr kuni boshlanadi, unda faqat aksiya ishtirokchilari qatnasha oladi.
Izoh (0)