Angliyalik Gledis Fillips Filikstou shahridagi savdo markazining jamoat hojatxonasida to‘rt kun qolib ketdi. Hojatxona kabinasi tashrif buyuruvchilar uchun hali ochilmagan edi, ayol u yerga qanday kirib qolgani noma’lum, deb xabar beradi “Korrespondent.net”.
82 yoshli Fillips eshikning buzuqligi sababli ichkarida qolib ketgan. U qornini to‘yg‘azish uchun o‘zining yonida olib yurgan yalpiz ta’mli obakidandonni iste’mol qilgan. Isinish uchun esa qo‘lni quritishga mo‘ljallangan moslamadan foydalangan. Pensionerga ko‘rpa-to‘shak vazifasini uning paltosi bajargan.
Gledis Fillipsning yo‘qolib qolganini uning hech bir qarindoshi sezmadi, chunki u yolg‘iz yashaydi va o‘zi bilan mobil telefoni olib yurmaydi.
“Men devorlar va eshikni taqillatdim, baqirdim, lekin hech kim meni eshitmadi. Yaxshiyamki, men do‘konlarni aylanib, yangi jun ip o‘ramini sotib olgan edim. Bu vaqt davomida men nabiralarimdan biriga Rojdestvo sovg‘asi uchun sharf to‘qidim”, — dedi Fillips.
Oradan to‘rt kun o‘tganidan keyin ingliz ayolini kabinani bo‘yash uchun kelgan ishchi payqab qoldi.
Izoh (0)