Англиялик Глэдис Филлипс Филикстоу шаҳридаги савдо марказининг жамоат ҳожатхонасида тўрт кун қолиб кетди. Ҳожатхона кабинаси ташриф буюрувчилар учун ҳали очилмаган эди, аёл у ерга қандай кириб қолгани номаълум, деб хабар беради «Корреспондент.net».
82 ёшли Филлипс эшикнинг бузуқлиги сабабли ичкарида қолиб кетган. У қорнини тўйғазиш учун ўзининг ёнида олиб юрган ялпиз таъмли обакидандонни истеъмол қилган. Исиниш учун эса қўлни қуритишга мўлжалланган мосламадан фойдаланган. Пенсионерга кўрпа-тўшак вазифасини унинг пальтоси бажарган.
Глэдис Филлипснинг йўқолиб қолганини унинг ҳеч бир қариндоши сезмади, чунки у ёлғиз яшайди ва ўзи билан мобил телефони олиб юрмайди.
«Мен деворлар ва эшикни тақиллатдим, бақирдим, лекин ҳеч ким мени эшитмади. Яхшиямки, мен дўконларни айланиб, янги жун ип ўрамини сотиб олган эдим. Бу вақт давомида мен набираларимдан бирига Рождество совғаси учун шарф тўқидим», — деди Филлипс.
Орадан тўрт кун ўтганидан кейин инглиз аёлини кабинани бўяш учун келган ишчи пайқаб қолди.
Изоҳ (0)