Britaniyaning eng yirik banklaridan biri NatWest (National Westminster Bank) Ikkinchi jahon urushining 93 yoshli faxriysidan yovuz niyatlilar tomonidan o‘g‘irlangan 23 ming funt sterling (34 ming dollar) o‘rnini to‘ldirdi, deya xabar bermoqda “TASS”.
Hodisa 14-dekabr kuni qariya bankning Grantem shahridagi bo‘limiga bankomat orqali naqd pul yechib olish uchun kelganida sodir bo‘lgan. Kuzatuv kamerasiga muhrlangan kadrlarda uch nafar yovuz niyatli kishi cholni kuzatib turgani, so‘ng ulardan ikkisi uni chalg‘itib, uchinchisi plastik kartalarni almashtirib qo‘yganini ko‘rish mumkin. So‘ng jinoyatchilar shu bankning o‘zida o‘g‘irlangan kartadan pul yechib olib, qochib qolgan.
Ayni paytda politsiya ushbu jinoyatchilarni qidirmoqda.
Izoh (0)