Toshkent shahridagi “Minor” masjidi yaqinida 17-dekabr, payshanba kuni yuz bergan yo‘l-transport hodisasi oqibatida bir kishi halok bo‘ldi. Bu haqda Facebook’dagi “Voditeli Tashkenta” guruhida xabar qoldirilgan.
“‘Minor’ masjidi yaqinida 17-dekabr kuni yuz bergan YTH haqida guvohlik ko‘rsatmalari va/yoki biror axborot bera oladigan avtoregistratorlar videoyozuvlarini to‘plashda yordam so‘raymiz”, — deyiladi xabarda. Xabarga marhumning o‘g‘li — Botir Po‘latovning telefon raqami ham ilova etilgan bo‘lib, guvohlardan (+99897)-131-07-44 raqamiga qo‘ng‘iroq qilish iltimos qilingan.
Qayd etishlaricha, avtohalokat natijasida bir oila boshlig‘i halok bo‘lgan. Botir Po‘latovning “Daryo”ga ma’lum qilishicha, hodisa 17-dekabr kuni mahalliy vaqt bilan soat 16:00—17:00 oralig‘ida yuz bergan.
“Yo‘l-transport hodisasini sodir etgan haydovchi hozirgi vaqtda so‘roq qilinmoqda. Hamshaharlarimizdan yuz bergan YTH tafsilotlarini tiklashga ko‘mak beradigan har qanday axborotni taqdim etishda yordam ko‘rsatishlarini iltimos qilib so‘rardim”, — dedi Botir Po‘latov.
Izoh (0)