Moskva shahar sudi tergovning Checheniston rahbari Ramzan Qodirovni Boris Nemsov o‘ldirilishi bilan bog‘liq ishda guvoh sifatida so‘roq qilishdan bosh tortishini qonuniy deb topdi. Qodirovni so‘roq qilishni Nemsov oilasi advokati Vadim Proxorov va ayblanuvchi Zaur Dadayev advokati Shamsuddin Sakayev so‘ragandi. Bu haqda “Gazeta.ru” xabar bermoqda.
Nemsov oilasi himoyasi Rossiya prezidenti Vladimir Putinning yaqinda bo‘lib o‘tgan matbuot anjumanidagi mazkur ish bo‘yicha javobidan so‘ng Qodirov so‘roqqa tutilishiga ishongandi: Putin o‘z javobida Qodirov bilan Nemsovning o‘ldirilishini muhokama etmaganini ma’lum qilgandi.
Checheniston rahbarining o‘zi agar Tergov qo‘mitasi talab qilsa, jinoiy ish bo‘yicha so‘roqqa kelishga tayyor ekanini bildirgan.
Izoh (0)