Москва шаҳар суди терговнинг Чеченистон раҳбари Рамзан Қодировни Борис Немцов ўлдирилиши билан боғлиқ ишда гувоҳ сифатида сўроқ қилишдан бош тортишини қонуний деб топди. Қодировни сўроқ қилишни Немцов оиласи адвокати Вадим Прохоров ва айбланувчи Заур Дадаев адвокати Шамсуддин Сакаев сўраганди. Бу ҳақда «Газета.ru» хабар бермоқда.
Немцов оиласи ҳимояси Россия президенти Владимир Путиннинг яқинда бўлиб ўтган матбуот анжуманидаги мазкур иш бўйича жавобидан сўнг Қодиров сўроққа тутилишига ишонганди: Путин ўз жавобида Қодиров билан Немцовнинг ўлдирилишини муҳокама этмаганини маълум қилганди.
Чеченистон раҳбарининг ўзи агар Тергов қўмитаси талаб қилса, жиноий иш бўйича сўроққа келишга тайёр эканини билдирган.
Изоҳ (0)