2012-yili Nyu-Dehlida talaba qizni ommaviy zo‘rlashda ishtirok etgani uchun 14 yoshida uch yillik qamoq jazosiga hukm etilgan yigit ozodlikka chiqishi kutilmoqda. Bu haqda “RIA Novosti” xabar berdi.
Voyaga yetmaganlar uchun belgilanishi mumkin bo‘lgan eng uzoq muddatga hukm etilgan va hozirda 18 yoshga to‘lgan jinoyatchining jazo sanasi 20-dekabr, yakshanba kuni yakunlandi. Hindiston oliy sudi mahbusni kelgusida ushlab turish uchun qonuniy asoslar bo‘lmagani sababli Dehli xotin-qizlar qo‘mitasining apellyatsiyasini rad etdi.
2012-yil dekabrida Nyu-Dehli tumanlaridan birida bir guruh yigitlar avtobusda ketayotgan 23 yoshli talaba qizni kaltaklagan va zo‘rlagan, keyinchalik u Singapurdagi kasalxonada hayotdan ko‘z yumgandi. Mazkur jinoyat mamlakatda kuchli noroziliklarga sabab bo‘lgan, shundan so‘ng zo‘rlaganlik uchun oliy jazogacha berilishi belgilangandi. Jinoyatchilardan biri 14 yoshda bo‘lgani uchun unga bu jazo qo‘llanilmagan. Qolganlarga nisbatan o‘lim jazosi chiqarilgan, biroq ularning advokatlari apellyatsiya bergani uchun ushbu hukm hozirgacha ijro etilmagan.
Izoh (0)