“Bavariya” boshqaruv kengashi raisi Karl-Xayns Rummenigge bosh murabbiy Xosep Gvardiola klub bilan shartnomasini uzaytirmasligini tasdiqladi, deb xabar beradi “Sports.ru”.
Kataloniyalik murabbiy joriy mavsum yakunlanganidan keyin Myunxen klubini tark etadi.
2016-yil yozida Karlo Anchelotti “Bavariya”ning yangi bosh murabbiyiga aylanadi.
“Biz Gvardiolaning klub uchun qilgan ishlaridan minnatdormiz. Umid qilamizki, joriy mavsumda Xosep bilan ko‘plab sovrinlarni yutib olamiz.
Anchelotti — bu ‘Bavariya’ bilan ishlaydigan yana bir muvaffaqiyatli murabbiy. Biz u bilan hamkorlikdan xursandmiz”, — dedi Rummenigge.
Anchelottining “Bavariya” bilan shartnomasi 3 mavsumga mo‘ljallangan.
Izoh (0)