Gollandiyalik mutaxassis Gus Xiddink 2015/2016-yilgi mavsum oxiriga qadar “Chelsi” futbol klubi bosh murabbiyi vazifasini bajaradi. Bu haqda London klubi rasmiy sayti ma’lum qildi, deya xabar bermoqda Meduza.
So‘nggi bir necha yildan beri “Chelsi”ga ustozlik qilib kelgan portugaliyalik Joze Mourinyo 17-dekabr kuni iste’foga chiqarilgan edi.
“Stemford Brijga qaytganimdan xursandman. ‘Chelsi’ — jahonning eng kuchli klublaridan biri, biroq u hozir aslida bo‘lishi kerak bo‘lgan joydan boshqa o‘rinda turibdi”, — dedi Xiddink.
Ma’lumot uchun, Gus Xiddink 2009-yilda ham “Chelsi” bosh murabbiyi vazifasini vaqtincha bajargan.
Izoh (0)