AQShda San-Bernardinodagi ommaviy qotillik ishtirokchisi Rizvon Foruqning sobiq qo‘shnisi — 24 yoshli Enrike Markes hibsga olindi, deya xabar bermoqda Meduza. Unga terrorchilik, noqonuniy ravishda qurol sotib olish va migratsiya idoralarini chalg‘itish ayblovlari qo‘yildi.
2011—2012-yillarda Markes Foruqning iltimosi bilan qurol sotib olgan, 2-dekabr kuni Foruq va uning rafiqasi Tashfin Malik aynan shu qurol bilan 14 kishini o‘ldirgan. Tergov versiyasiga ko‘ra, Foruq o‘zining ismi hujjatlarda aks etishini istamagan.
AQSh adliya vazirligi bayonotida aytilishicha, o‘sha yillarda Foruq va Markes Riversayd kolleji va federal trassada teraktlar uyushtirmoqchi bo‘lgan, ammo 2012-yil oxirida Kaliforniyada terrorchilikda gumonlanib bir necha kishi qo‘lga olingach, o‘z rejalaridan voz kechgan.
Eslatib o‘tamiz, 3-dekabr, payshanbaga o‘tar kechasi San-Bernardinodagi nogironlar uyida sodir bo‘lgan otishma oqibatida 14 kishi halok bo‘lgan va 17 kishi jarohatlangan.
Avvalroq Rizvon Foruqning sherigi va turmush o‘rtog‘i Tashfin Malik IShIDga sodiqlikka qasamyod etgani ma’lum bo‘lgani haqida xabar bergandik.
Keyinroq Enrike Markes hujum tashkilotchisi Rizvon Foruq bilan qarindosh ekanligi aniqlangan edi.
Izoh (0)