Kremlda Rossiya prezidenti Vladimir Putin va AQSh davlat kotibi Jon Kerri o‘rtasidagi uchrashuv yakuniga yetdi. Muzokaralar uch soatdan oshiq davom etdi, deya xabar beradi “Vedomosti”.
Rossiya tomonidan muzokaralarda tashqi ishlar vaziri Sergey Lavrov va prezidentning yordamchisi Yuriy Ushakov ishtirok etgan. Amerika tomonidan esa Kerridan tashqari davlat kotibining o‘rinbosari Viktoriya Nuland, AQSh prezidentining Rossiya masalalari bo‘yicha maxsus yordamchisi Selesta Uollander va AQShning Rossiyadagi elchisi Jon Tefft qatnashdi.
Uchrashuvda ikki davlat tashqi siyosiy idoralari rahbarlari o‘rtasidagi muzokaralar yakunlari muhokama qilingan. 15-dekabr, seshanba kuni bo‘lib o‘tgan muzokaralar chog‘ida Lavrov va Kerri IShIDga qarshi kurash, Suriya, Iroq, Yaman va Afg‘onistondagi vaziyat, shuningdek, Falastin — Isroil munosabatlariga doir dolzarb masalalarni ko‘rib chiqqan.
Izoh (0)