15-dekabr, seshanba kuni Rossiyaning Arxangelsk viloyatida qulagan qanotli raketa “Mashinasozlik ilmiy-ishlab chiqarish birlashmasi” tomonidan sinovdan o‘tkazilgan. Bu haqda mamlakat mudofaa vazirligi manbalariga tayanib, “Gazeta.ru” xabar bermoqda.
“Rossiya mudofaa vazirligi poligonida sanoat mutaxassislari (“Mashinasozlik ilmiy-ishlab chiqarish birlashmasi”) tomonidan qanotli raketa sinovi o‘tkazilgan. Uchirilganidan so‘ng ro‘y bergan ko‘zda tutilmagan holat tufayli raketa belgilangan yo‘nalishdan og‘ib, Arxangelskning Nenoksa aholi punkti yaqinida quladi. Raketa qulagan joyda sanoat vakillaridan iborat komissiya ishlamoqda”, — deya ma’lum qilgan vazirlik vakillari.
Mahalliy OAV raketa uch qavatli uyga qulab tushgani, binoda yong‘in kelib chiqqani va aholi shoshilinch ravishda evakuatsiya qilingani to‘g‘risida xabar berdi. Mudofaa vazirligi qurbonlar va jabrlanganlar yo‘qligini bildirmoqda.
Izoh (0)