Кремлда Россия президенти Владимир Путин ва АҚШ давлат котиби Жон Керри ўртасидаги учрашув якунига етди. Музокаралар уч соатдан ошиқ давом этди, дея хабар беради «Ведомости».
Россия томонидан музокараларда ташқи ишлар вазири Сергей Лавров ва президентнинг ёрдамчиси Юрий Ушаков иштирок этган. Америка томонидан эса Керридан ташқари давлат котибининг ўринбосари Виктория Нуланд, АҚШ президентининг Россия масалалари бўйича махсус ёрдамчиси Селеста Уолландер ва АҚШнинг Россиядаги элчиси Жон Теффт қатнашди.
Учрашувда икки давлат ташқи сиёсий идоралари раҳбарлари ўртасидаги музокаралар якунлари муҳокама қилинган. 15 декабрь, сешанба куни бўлиб ўтган музокаралар чоғида Лавров ва Керри ИШИДга қарши кураш, Сурия, Ироқ, Яман ва Афғонистондаги вазият, шунингдек, Фаластин — Исроил муносабатларига доир долзарб масалаларни кўриб чиққан.
Изоҳ (0)