Eron rasmiylari raketa sinovini o‘tkazib, BMT Xavfsizlik kengashining 1929-raqamli rezolyutsiyasini buzgan. Bu haqda xalqaro tashkilotning maxfiy hisobotiga tayanib, Reuters ma’lum qildi, deya xabar beradi “Korrespondent.net”.
Hisobotda ta’kidlanishicha, Tehron 10-oktabrda “Emad” ballistik raketasini sinovdan o‘tkazgan. Ekspertlar komissiyasining mazkur holat yuzasidan hisoboti 10 sahifadan iborat va unga 11-dekabr sanasi qo‘yilgan. Agentlik ma’lumotiga ko‘ra, hujjat Xavfsizlik kengashining Eronga qarshi sanksiyalar qo‘mitasi a’zolariga ham yuborilgan.
Oldinroq AQSh Eronni 1929-raqamli rezolyutsiyani buzishda ayblagandi. 2010-yilda qabul qilingan ushbu hujjat Eronga ballistik raketalarni sinovdan o‘tkazishni man etadi.
Izoh (0)