Yaponiyada iyeroglif bo‘yicha savodxonlikni tekshirish assotsiatsiyasi tomonidan o‘tkazilgan tanlov yakunlari bo‘yicha, 2015-yilning timsoli “arzon” iyeroglifi bo‘ldi, deb yozadi “RIA Novosti”.
“Arzon” iyeroglifi assotsiatsiya manziliga barcha istovchilar tomonidan yuborilgan otkritkalarning eng katta qismini yig‘ishga muvaffaq bo‘ldi. Ovoz berishda qatnashganlarning ko‘pchiligi milliy valyuta kursining tushishi, neft narxining pasayishi, yuan devalvatsiyasi tufayli “arzon” iyeroglifiga yon bosgan.
Yil ramziga aylangan iyeroglif ma’nosi u e’lon qilingunga qadar qat’iy sir tutiladi. “Arzon” iyeroglifi Kiotodagi eng taniqli Kiyomidzu budda ibodatxonasi bosh ruhoniysi tomonidan maxsus “vasi” qog‘oziga tantanali ravishda chizildi.
Nashr eslatishicha, Yaponiyada 2014-yilning timsoli “soliq” iyeroglifi bo‘lgan edi.
Izoh (0)