Японияда иероглиф бўйича саводхонликни текшириш ассоциацияси томонидан ўтказилган танлов якунлари бўйича, 2015 йилнинг тимсоли «арзон» иероглифи бўлди, деб ёзади «РИА Новости».
«Арзон» иероглифи ассоциация манзилига барча истовчилар томонидан юборилган откриткаларнинг энг катта қисмини йиғишга муваффақ бўлди. Овоз беришда қатнашганларнинг кўпчилиги миллий валюта курсининг тушиши, нефть нархининг пасайиши, юань девальвацияси туфайли «арзон» иероглифига ён босган.
Йил рамзига айланган иероглиф маъноси у эълон қилингунга қадар қатъий сир тутилади. «Арзон» иероглифи Киотодаги энг таниқли Киёмидзу будда ибодатхонаси бош руҳонийси томонидан махсус «васи» қоғозига тантанали равишда чизилди.
Нашр эслатишича, Японияда 2014 йилнинг тимсоли «солиқ» иероглифи бўлган эди.
Изоҳ (0)