Isroil bosh vaziri Binyamin Netanyaxuning Kaya laqabli iti xanuka shamlarini yoqish marosimida ikki nafar oliy martabali mehmonni tishlab oldi. Bu haqda Reuters bergan ma’lumotlarga asosan “Gazeta.ru” xabar qilmoqda.
It Isroil tashqi ishlar vaziri o‘rinbosarining turmush o‘rtog‘ini va Netanyaxu boshchilik qiladigan “Likud” partiyasining deputatini tishladi.
Veterinar hodisani jiddiy emas deya baholadi.
Xabar qilinishicha, Netanyaxuning o‘g‘li ushbu kuchukni tashlab ketilgan itlar boshpanasidan 2015-yilda olgan. Keyinchalik, bosh vazir uning rasmini o‘zining twitterdagi sahifasiga joylab, itlarni sevuvchilarga ularni boshpanadan olishga targ‘ib qildi.
“Siz pushaymon bo‘lmaysiz”, ― deydi u.
Ta’kidlanishicha, AQSh davlat kotibi Jon Kerri ham Isroilga tashrif buyurganda mazkur itni qo‘liga olgan, lekin, alohida qayd etilishicha, kuchuk uni tishlamagan.
Izoh (0)