Janubiy Koreyaning telekommunikatsiya va elektronika tadqiqotlari universiteti (ETRI) olimlari dunyoda birinchi uch o‘lchamli rangli tasvir proyeksiyasini yaratganini e’lon qildi. Bu haqda “Hi-tech.mail.ru” xabar berdi.
Algoritmlar va uch o‘lchamli rangli tasvirni proyeksiya qilish usullari ustida ishlagan tadqiqotchilar mehnati natijasini videoda namoyish etdi: Rubik kubigi olimlar hajmli gologrammada aks ettirgan ilk obyekt bo‘ldi. Obyektni turli tomonlardan 20 darajagacha bo‘lgan diapazonda ko‘rish mumkin, tasvirning qirralardan o‘lchami 7,62 santimetrni tashkil etadi. Kattagina korpusga kiritilgan lazerlar tizimi tasvirni uzatish uchun xizmat qiladi. Kelgusida tadqiqotchilar gadjet o‘lchamini kichraytirishni rejalashtirgan.
Birinchi rangli uch o‘lchamli gologramma yaratuvchilari (ular orasida LG Display i Yunam Optics kompaniyalari mutaxassislari ham bor) tasvirning qirralaridan o‘lchami 25,4 santimetr bo‘lgan va sifati kuchaytirilgan Holo TV’ning sotuv uchun mo‘ljallangan versiyasini 2021-yilda taqdim etishni mo‘ljallagan. Ular mazkur texnologiyaga beshinchi avlod mobil tarmoqlari ishga tushgach talab kuchayishiga ishonch bildirmoqda.
Izoh (0)