Rossiyalik milliarderlar boyligi 2025-yil boshidan beri 20,163 milliard dollarga oshdi. Eng ko‘p kapital orttirgan milliarder Telegram asoschisi Pavel Durov bo‘ldi. Bu haqda Bloomberg Billionaires Index ma’lumot berdi.
Kim qanchaga boyidi?
- Birinchi o‘rinni “Nornikel” kompaniyasining asosiy egalaridan biri Vladimir Potanin saqlab qoldi. U o‘z boyligiga 2,56 milliard dollar qo‘shdi. Hozirda Potanning umumiy kapitali 30,4 milliardga baholanmoqda.
- Ikkinchi o‘rinda “Lukoyl”ning hammuassisi Vagit Alekperov egalladi, uning daromadi 1,18 milliardga oshib, boyligi 26,5 milliard dollarga yetdi.
- Uchlikni “Severstal”ning asosiy benefitsiari Aleksey Mordashyov yakunladi. Hozirda uning kapitali 1,94 milliardga oshib, 25,2 milliard bo‘ldi.
To‘rtinchi o‘rinni esa “Novatek” kompaniyasi hammuassisi Leonid Mixelson qo‘lga kiritdi. U 1,46 milliard dollarlik daromad to‘plab, boyligini 23,8 milliard dollarga yetkazdi.
Beshinchi o‘rinni “Novolipetsk” metallurgiya kombinati benefitsiari Vladimir Lisin egalladi. Biroq uning boyligi 3,58 milliard dollarga kamayib, hozirda 22,2 milliard dollarni tashkil qilmoqda.
Oltinchi o‘rinni “Yevroxim” va Sibir ko‘mir energiyasi kompaniyalari sobiq benefitsiari Andrey Melnichenko qayd etdi. U 294 million dollarga boyib, 20,5 milliard dollarga ega bo‘ldi.
Sakkizinchi o‘rinni Mixail Proxorov (“Oneksim” guruhi) 15,4 milliard dollar (553 mln dollar ko‘payish), to‘qqizinchi o‘rinni Telegram asoschisi Durov 14,3 milliard dollar (3,27 mlrd dollarga boyish) bilan egallab turibdi.
O‘ntalikka “Alfa-guruh” hammuassisi Mixail Fridman yakun yasagan. Uning boyligi 1,04 milliard dollarga kamayib, 13,7 milliard dollarni tashkil etgan.
Izoh (0)