Жанубий Кореянинг телекоммуникация ва электроника тадқиқотлари университети (ETRI) олимлари дунёда биринчи уч ўлчамли рангли тасвир проекциясини яратганини эълон қилди. Бу ҳақда «Hi-tech.mail.ru» хабар берди.
Алгоритмлар ва уч ўлчамли рангли тасвирни проекция қилиш усуллари устида ишлаган тадқиқотчилар меҳнати натижасини видеода намойиш этди: Рубик кубиги олимлар ҳажмли голограммада акс эттирган илк объект бўлди. Объектни турли томонлардан 20 даражагача бўлган диапазонда кўриш мумкин, тасвирнинг қирралардан ўлчами 7,62 сантиметрни ташкил этади. Каттагина корпусга киритилган лазерлар тизими тасвирни узатиш учун хизмат қилади. Келгусида тадқиқотчилар гаджет ўлчамини кичрайтиришни режалаштирган.
Биринчи рангли уч ўлчамли голограмма яратувчилари (улар орасида LG Display и Yunam Optics компаниялари мутахассислари ҳам бор) тасвирнинг қирраларидан ўлчами 25,4 сантиметр бўлган ва сифати кучайтирилган Holo TV’нинг сотув учун мўлжалланган версиясини 2021 йилда тақдим этишни мўлжаллаган. Улар мазкур технологияга бешинчи авлод мобил тармоқлари ишга тушгач талаб кучайишига ишонч билдирмоқда.
Изоҳ (0)