Yerdan uchirilganidan so‘ng oradan besh yil o‘tib, Yaponiya aerokoinot tadqiqotlari agentligining (JAXA) “Akatsuki” zondi Venera atrofidagi barqaror orbitaga chiqdi. Orbitaning uzoq nuqtasida zond va sayyora o‘rtasidagi masofa Yer hamda Oy o‘rtasidagi masofadan uzoqroq bo‘ladi. Bu haqda “Liga” xabar bermoqda.
Missiya rahbariyati manyovr qiladigan sakkiz dvigatelning yarmidan foydalanib, asosiy dvigateli noma’lum sabablarga ko‘ra parvozdan keyinoq ishdan chiqqan zondni qutqarishga muvaffaq bo‘ldi. Yuzaga kelgan favqulodda holat yaponiyaliklarni zondning dasturiy ta’minotini missiyaning ilmiy qismiga (Venera atmosferasini o‘rganish va sathining tasvirlarini olish) imkon boricha ziyon yetmaydigan tarzda yangilashga majbur etdi.
Zond avval rejalashtirilganidek sayyorani 30 soatda emas, 15 kunda bir marta aylanib chiqadi. Qurilma Venera orbitasida kamida ikki yil faoliyat olib borishi ko‘zda tutilgan. Bundan oldin sayyorani tadqiq etgan EKA (Venus-Express) zondi 2014-yilda o‘z ishini yakunlagandi.
Izoh (0)