Facebook asoschisi va bosh direktori Mark Sukerberg o‘z aksiyalarining 99 foizini xayriyaga sarflashi — shunchaki soliq to‘lashdan bosh tortish yo‘li ekanligi haqidagi ayblovlarni rad etdi, deb yozadi “Vedomosti”.
1-dekabr kuni Sukerberg va uning rafiqasi Prissilla Chan qizli bo‘lgach, u hayoti davomida maxsus tuzilgan tashkilot orqali kompaniya aksiyalarini sotib, mablag‘ni xayriyaga sarflashini e’lon qilgan edi. Biroq notijorat tashkilotlarni moliyalashtirib, xususiy investitsiyalar kiritish va tushgan daromadni xayriyaga yo‘naltirish bilan shug‘ullanadigan Chan Zuckerberg Initiative LLC “mas’uliyati cheklangan jamiyat” sifatida ro‘yxatdan o‘tgan.
Kompaniyaning bunday shakli Sukerbergni Facebook aksiyalari savdosi uchun soliq to‘lashdan ozod etadi. Aksiyalarni “xayriya qilib”, kompaniya prezidenti aksiyaning bozor qiymati hajmida soliq chegirmasiga ega bo‘ladi.
Biroq Facebook asoschisi o‘z sahifasida faqat iqtisodiy manfaatlarni ko‘zlayotganini yozdi. Uning so‘zlariga ko‘ra, aksiyalarni o‘tkazish qo‘yilgan maqsadga tadbirkorlik va samaradorlik bilan erishish imkonini beradi.
Izoh (0)