FIFA sobiq vitse-prezidenti, Shimoliy hamda Markaziy Amerika va Karib dengizi mamlakatlari futbol konfederatsiyasining (KONKAKAF) sobiq rahbari Jeffri Uebb tovlamachilik, firibgarlik va pul yuvish bo‘yicha aybini tan oldi, deya xabar bermoqda “Vedomosti” AQSh adliya vaziri, bosh prokuror Loretta Linchga tayanib.
Linch aytishicha, FIFAdagi poraxo‘rlik haqidagi ish bo‘yicha ayblanayotgan sakkiz kishi o‘z aybini tan olgan. Ushbu ish bo‘yicha yangi hujjatlarda FIFA prezidenti Yozef Blatter tilga olinmagan.
Linch, shuningdek, FIFAdagi korrupsiya haqidagi ish bo‘yicha yangi ayblovlar e’lon qilinishini aytdi. Uning ta’kidlashicha, FIFAdagi korrupsiya bilan bog‘liq shov-shuv qurbonlari, ehtimol, zararlarni qoplash haqida sudga da’vo bera olishi mumkin bo‘ladi.
Uebb Shveysariyaning Syurix shahrida 27-may kuni mahalliy politsiya tomonidan AQSh so‘roviga ko‘ra qo‘lga olingan FIFAning 7 nafar amaldori orasida edi. Uebb 2012-yilda KONKAKAF prezidenti etib saylangan. Syurixda hibsga olingach, tashkilot ijroiya qo‘mitasi uni ishdan chetlatdi.
Izoh (0)