Ispaniyaning “Barselona” futbol klubi yarim himoyachisi Xavyer Maskerano 816 ming yevro miqdorida jarimaga tortildi va shartli ravishda bir yilga ozodlikdan mahrum etildi. “TASS” xabariga ko‘ra, sud uni soliq to‘lamaganlikda aybdor deb topgan, futbolchi aybini tan olgan.
Tergov ma’lumotlariga ko‘ra, Maskerano 2011—2012-yillar davomida o‘z tashqi ko‘rinishidan foydalanish huquqlarini sotishdan olgan daromadlarini hukumatdan yashirgan va 1,5 million yevroga yaqin soliqlarni to‘lamagan.
Sentabr oyida Maskerano shuncha miqdordagi pulni to‘lab, bunga 200 ming yevro miqdoridagi jarima to‘lovini ham qo‘shimcha qilgandi.
Eslatib o‘tamiz, Maskerano 2010-yili Angliyaning “Liverpul” jamoasidan “Barselona”ga o‘tgan edi.
Izoh (0)