ФИФА собиқ вице-президенти, Шимолий ҳамда Марказий Америка ва Кариб денгизи мамлакатлари футбол конфедерациясининг (КОНКАКАФ) собиқ раҳбари Жеффри Уэбб товламачилик, фирибгарлик ва пул ювиш бўйича айбини тан олди, дея хабар бермоқда «Ведомости» АҚШ адлия вазири, бош прокурор Лоретта Линчга таяниб.
Линч айтишича, ФИФАдаги порахўрлик ҳақидаги иш бўйича айбланаётган саккиз киши ўз айбини тан олган. Ушбу иш бўйича янги ҳужжатларда ФИФА президенти Йозеф Блаттер тилга олинмаган.
Линч, шунингдек, ФИФАдаги коррупция ҳақидаги иш бўйича янги айбловлар эълон қилинишини айтди. Унинг таъкидлашича, ФИФАдаги коррупция билан боғлиқ шов-шув қурбонлари, эҳтимол, зарарларни қоплаш ҳақида судга даъво бера олиши мумкин бўлади.
Уэбб Швейцариянинг Цюрих шаҳрида 27 май куни маҳаллий полиция томонидан АҚШ сўровига кўра қўлга олинган ФИФАнинг 7 нафар амалдори орасида эди. Уэбб 2012 йилда КОНКАКАФ президенти этиб сайланган. Цюрихда ҳибсга олингач, ташкилот ижроия қўмитаси уни ишдан четлатди.
Изоҳ (0)