O‘zbekistonda Sony kompaniyasining 4K displeyga ega Xperia Z5 smartfoni sotila boshladi, deya xabar bermoqda “Mobinfo.uz”.
Korpusida o‘yma naqsh ko‘rinishidagi Xperia logotipi hamda SIM karta va microSD uchun ikkitalik tiqin borligini hisobga olmasa, yangi qurilma dizayni avvalgi flagman modellaridan farq qilmaydi.
Xperia Z5’ga 5,2 dyuymli FullHD-displey, to‘rt yadroli Snapdragon 810 protsessori, 3 Gb tezkor va 32 Gb ichki xotira (+microSD), 2900 mAs sig‘imli akkumulyator, 23 megapikselli asosiy kamera o‘rnatildi. Telefon Android 5.1.1 operatsion tizimida ishlaydi. U 4G tarmoqlarida ishlay oladi, bundan tashqari, barmoq izi skaneriga ham ega.
Poytaxtning mobil texnika bozorlarida Sony Xperia Z5 taxminan 4 million so‘mga taklif qilinmoqda.
Keltirilgan qurilmani ko‘rsatilgan narxda sotib olishga “Daryo” nashri kafolat bermaydi. Qurilma va uning narxi haqidagi axborot faqat tanishish uchun taqdim etilgan.
Izoh (0)