Mobil tizimlarda keng polosali internetga ulanish abonentlari nisbatan ancha ko‘pligini hisobga olib, O‘zbekistonning qator mobil operatorlari Toshkent shahrida ulanish tezligi 100 Mbit/s gacha yetkazish imkonini beradigan 4G LTE to‘rtinchi avlod mobil aloqa texnologiyasini joriy etmoqda.
O‘zbekiston Axborot texnologiyalari va kommunikatsiyalarini rivojlantirish vazirligi axborot xizmati xabariga ko‘ra, 4G LTE texnologiyasini joriy etayotgan mobil operatorlar orasida Coscom (Ucell savdo belgisi ostida), Unitel (Beeline savdo belgisi ostida) va UzMobile kabilar bor.
“Respublika bo‘yicha mazkur texnologiyaning qamrab olinish hududini bosqichma-bosqich kengaytirish rejalashtirilmoqda”, — deyiladi vazirlik axborotida.
Izoh (0)