O‘zbekistonda 2013-yildan beri 4,1 ming kilometrdan ortiq optik tolali aloqa liniyalari qurildi, mobil keng polosali ulanishni rivojlantirish uchun 2 mingdan ortiq bazaviy stansiyalar o‘rnatildi. Bu haqda Axborot texnologiyalari va kommunikatsiyalarini rivojlantirish vazirligi axborot xizmati xabar bermoqda.
Ushbu ishlar O‘zbekiston Prezidenti tomonidan 2013-yilda tasdiqlangan 2013—2020-yillarda mamlakatda telekommunikatsiya texnologiyalari, tarmoqlari va aloqa infratuzilmasini rivojlantirish dasturi doirasida amalga oshirildi.
Mazkur dastur doirasida magistral shaharlararo va viloyat ichki tarmoqlarida transport tarmoqlarini kengaytirish bo‘yicha ishlar davom ettirilmoqda.