Ўзбекистонда Sony компаниясининг 4К дисплейга эга Xperia Z5 смартфони сотила бошлади, дея хабар бермоқда «Mobinfo.uz».
Корпусида ўйма нақш кўринишидаги Xperia логотипи ҳамда SIM карта ва microSD учун иккиталик тиқин борлигини ҳисобга олмаса, янги қурилма дизайни аввалги флагман моделларидан фарқ қилмайди.
Xperia Z5’га 5,2 дюймли FullHD-дисплей, тўрт ядроли Snapdragon 810 процессори, 3 Гб тезкор ва 32 Гб ички хотира (+microSD), 2900 мАс сиғимли аккумулятор, 23 мегапикселли асосий камера ўрнатилди. Телефон Android 5.1.1 операцион тизимида ишлайди. У 4G тармоқларида ишлай олади, бундан ташқари, бармоқ изи сканерига ҳам эга.
Пойтахтнинг мобил техника бозорларида Sony Xperia Z5 тахминан 4 миллион сўмга таклиф қилинмоқда.
Келтирилган қурилмани кўрсатилган нархда сотиб олишга «Дарё» нашри кафолат бермайди. Қурилма ва унинг нархи ҳақидаги ахборот фақат танишиш учун тақдим этилган.
Изоҳ (0)