Braziliyaning San-Paulu shahri politsiyasi vertolyotni o‘g‘irlab ketgan Santa-Klaus kiyimidagi odamni qidirmoqda. Bu haqda Reuters bergan ma’lumotlarga asoslanib, “Korrespondent.net” xabar bermoqda.
Mahalliy kotibiyat bergan ma’lumotlarga ko‘ra, Santa vertolyotni mahalliy aeroportda ijaraga olgan. Buyurtmachi Santa “Qora juma”, ya’ni an’anaviy katta miqdordagi oldi-sotdi o‘tkaziladigan kunda maxsus “syurpriz” tayyorlaganligini bahona qilgan.
Vertolyot parvoz qilgandan so‘ng, Santa uchuvchiga bir qishloq hududiga qarab uchishni buyurgan va yerga qo‘ngach, uchuvchining qo‘l-oyog‘ini ferma yonida bog‘lab, Santa shu yerda kutib turgan sherigi bilan noma’lum tarafga uchib ketgan.
Bir necha soatdan so‘ng, uchuvchi o‘zini bo‘shatib olib, Robinson 44 rusumli vertolyotining o‘g‘irlanganligi to‘g‘risida politsiyaga xabar bergan. Ushbu modeldagi yangi vertolyotning narxi 400 ming dollar turadi.
Izoh (0)