Turkiya bosh vaziri Ahmet Davuto‘g‘lining ma’lum qilishicha, Rossiyaning Su-24 bombardimonchi samolyotining urib tushirilishi kabi hodisalar yana takrorlanishi mumkin. Bu haqda, Reuters’ga asoslanib, “Kommersant” xabar bermoqda.
Uning fikricha, terrorchilik tashkilotlariga qarshi kurash bo‘yicha ikki koalitsiya mavjud bo‘lar ekan, bu kabi voqealar ehtimoli saqlanib qolaveradi. Davuto‘g‘li kelajakda bunday hodisalar takrorlanmasligi uchun birgalikdagi muvofiqlashgan harakatlarni kuchaytirishga chaqirdi.
24-noyabr kuni Turkiya harbiy-havo kuchlari Rossiyaning Su-24 bombardimonchi samolyotini urib tushirdi. 29-noyabr kuni Su-24 ning halok bo‘lgan komandiri jasadi Turkiyaga olib kelingani va Rossiyaga topshirilishi ma’lum bo‘ldi.
Voqea: Turkiya urib tushirgan Su-24
Izoh (0)