Federal avtomobil yo‘llaridan foydalanganlik uchun to‘lovlarga norozilik aksiyasida ishtirok etish uchun Moskvaga yo‘l olgan uzoq masofaga qatnovchi dog‘istonlik haydovchilar yo‘l harakati xavfsizligi postlarida to‘xtatilmoqda. Ularning aytishicha, 28-noyabr, shanba kuni bir necha mintaqalarda politsiyachilar sababini tushuntirmay, bo‘sh ketayotgan mashinalarni to‘xtatib, hujjat talab qila boshlagan, deya xabar beradi “Gazeta.ru”.
Tasdiqlanmagan ma’lumotlarga ko‘ra, haydovchilardan norozilik aksiyalarida ishtirok etmasliklari to‘g‘risida tilxat yozib berish so‘ralgan, aks holda ma’muriy javobgarlikka tortish bilan po‘pisa qilingan. Uzoq masofaga qatnovchi haydovchilarning norozilik aksiyasi 30-noyabr kuni Moskvada bo‘lib o‘tishi, shu kuni Rossiyaning turli hududlaridan kelgan bo‘sh yuk avtomobillari Moskva halqa yo‘lini to‘sishi rejalashtirilgan edi.
Aksiya tashkilotchilarining Rossiya transport vaziri Maksim Sokolov bilan Sankt-Peterburgdagi uchrashuvi natijasiz yakunlandi. Minglab haydovchilar federal avtomobil yo‘llaridan foydalanganlik uchun joriy etilgan to‘lov to‘liq bekor qilinishini talab etmoqda.
Izoh (0)