Rossiyalik qandolatchilar Sankt-Peterburgdagi “Shokolad bayrami”da prezident Vladimir Putinning bo‘yi barobaridagi shokoladdan quyilgan haykalini taqdim etishga hozirlik ko‘rmoqda. Bu haqda “Gazeta.ru” xabar bermoqda.
“Biz prezidentni bor bo‘yicha tayyorlashga qaror qildik. Manbalar orqali uning og‘irligi 70 kilogramm, bo‘yi esa 170 santimetr atrofida ekanligini aniqladik”, — deya ta’kidladi festival tashkilotchilaridan biri Mixail Lobchenkov. Uning aytishicha, ayni paytda Ginnesning Rekordlar kitobidan o‘rin olish uchun talabnoma tayyorlanmoqda.
Antiqa haykalga kelsak, unda jilmayib, bosh barmog‘ini ko‘rsatayotgan Putin tasvirlangan, uning oyog‘i ostida esa shokoladli it yastangan.
Izoh (0)