Toshkent shahar Amir Temur shoh ko‘chasida yuz bergan yo‘l-transport hodisasi oqibatida Chevrolet Spark avtomobili ag‘darilib ketdi. 25-noyabr, chorshanba kuni yuz bergan avariya haqida Facebook’dagi “Voditeli Tashkenta” guruhida xabar qoldirilgan.
Xabarga ilova qilingan suratda Spark avtomobili Nexia bilan to‘qnashuv sodir etganini anglash mumkin. Hodisa oqibatida bundan boshqa avtomobillarga ham zarar yetgan-yetmagani haqida ma’lumot yo‘q, haydovchilar va avtomobillarda bo‘lgan boshqa yo‘lovchilarning ahvoli noma’lum.
Fotoxabar ostida xabar qoldirgan aksariyat foydalanuvchilar yo‘l harakati qoidalariga to‘la rioya etish, tezlikni belgilangan me’yordan oshirmaslik, haydovchilar o‘rtasida o‘zaro hurmatning bo‘lishi bu kabi holatlarning oldini olishini bir necha bor ta’kidlab o‘tgan.
Izoh (0)