Ford yoqilg‘i sizishiga olib kelishi mumkin bo‘lgan nuqsonlar tufayli AQSh, Kanada va Meksikadan 452 mingta avtomobilni qaytarib oladi. Bu haqda 23-noyabr, dushanba kuni AQSh avtomobilsozlik korporatsiyasi vakillari ma’lum qildi, deya xabar beradi “TASS”.
Mazkur aksiya 2008 — 2011-yillarda ishlab chiqarilgan Fusion va Mercury Milan modellariga tegishli. Korporatsiya mutaxassislarining aytishicha, bu mashinalarning yoqilg‘i tizimidagi klapanlardan birida kamchilik bo‘lishi mumkin, bu esa yoqilg‘i sizishi va avtomobil alangalanishiga olib kelishi mumkin. Biroq shu paytgacha ushbu nuqson tufayli birorta avtohalokat ro‘y bermagani qayd etilgan.
Avtomobillardan 411 mingi AQSh, 34 mingi Kanada va 7 mingi Meksikadan qaytarib olinadi.
Izoh (0)