Тошкент шаҳар Амир Темур шоҳ кўчасида юз берган йўл-транспорт ҳодисаси оқибатида Chevrolet Spark автомобили ағдарилиб кетди. 25 ноябрь, чоршанба куни юз берган авария ҳақида Facebook’даги «Водители Ташкента» гуруҳида хабар қолдирилган.
Хабарга илова қилинган суратда Spark автомобили Nexia билан тўқнашув содир этганини англаш мумкин. Ҳодиса оқибатида бундан бошқа автомобилларга ҳам зарар етган-етмагани ҳақида маълумот йўқ, ҳайдовчилар ва автомобилларда бўлган бошқа йўловчиларнинг аҳволи номаълум.
Фотохабар остида хабар қолдирган аксарият фойдаланувчилар йўл ҳаракати қоидаларига тўла риоя этиш, тезликни белгиланган меъёрдан оширмаслик, ҳайдовчилар ўртасида ўзаро ҳурматнинг бўлиши бу каби ҳолатларнинг олдини олишини бир неча бор таъкидлаб ўтган.
Изоҳ (0)