Olmaliqda 25-noyabr, chorshanba kuni futbol bo‘yicha Oliy Ligaga o‘tish o‘yini bo‘lib o‘tdi. Uchrashuv O‘zMTRK “Sport” telekanali orqali jonli efirda namoyish etildi.
Oliy Liga—2015 yakuniga ko‘ra 16 jamoa orasida 15-o‘rinni egallagan Jizzaxning “So‘g‘diyona” klubi o‘z o‘rnini saqlab qolish uchun Birinchi Liga—2015 bahslarida ikkinchi o‘rinni egallagan Toshkentning “Oqtepa” jamoasiga qarshi maydonga chiqdi.
Uchrashuv 2:1 hisobida “So‘g‘diyona” vakillarining g‘alabasi bilan yakuniga yetdi. “So‘g‘diyona” vakillari Sanjar Rashidov (29-daqiqa) va Akmal Abdurahmonovning (77-daqiqada) gollariga “Oqtepa” bir marta — hujumchi Temur Hakimovning aniq zarbasi (53-daqiqa) bilan javob bera oldi.
Shunday qilib, “So‘g‘diyona” Oliy Ligadagi o‘rnini saqlab qoldi. 2015-yilgi mavsum yakuniga ko‘ra, Oliy Ligada 16-o‘rinni egallagan Samarqandning “Dinamo” jamoasi Birinchi Ligaga tushib ketdi, Birinchi Ligada 1-o‘rinni egallagan Toshkentning “Obod” klubi 2016-yilgi Oliy Liga ishtirokchisiga aylandi.
Izoh (0)